Prince Kano

(Prince Kano) Official Biography Salihu Bashir Musa, wanda aka fi sani da Prince Kano, fitaccen mai kirkirar bidiyoyi(Content Creator), marubuci, mai fadakarwa da mai wa’azi ne daga Jihar Kano, Najeriya. An haife shi a watan Disamba na shekarar 1997 a unguwar Kurna Babban Layi da ke cikin birnin Kano. Ya fara karatun firamare a Tukuntawa Primary School da ke kusa da Zoo Road a Kano, sannan ya halarci Danmaliki Secondary School da ke unguwar Danmaliki a Kano domin karatun sakandare. Prince Kano ya fara harkar kirkirar bidiyoyi tun shekarar 2015 da manufar amfani da kafafen sadarwa wajen ilmantarwa, fadakarwa da gyaran rayuwar al’umma. Tun daga wannan lokaci ya mayar da hankali musamman wajen wayar da kan matasa da ‘yan mata kan muhimmancin tarbiyya, neman ilimi, gina rayuwa mai kyau, kauce wa miyagun dabi’u da kuma kusantar Allah Madaukakin Sarki. A tsawon shekaru yana gudanar da wannan aiki, ya gina babbar al’umma ta mabiyansa a shafukan sada zumunta, inda yake da kusan mabiyan 500,000 a Facebook da kuma kusan 500,000 a TikTok, baya ga mabiyansa a Instagram, YouTube da sauran dandamali. Abubuwan da Prince Kano ke wallafawa sun hada da: * Wa’azi da tunatarwa. * Fadakarwa kan rayuwar matasa da mata. * Shawarwari kan zamantakewa. * Nishadantarwa mai amfani. * Rubuce-rubuce da sakonnin karfafa gwiwa. * Koyarwa kan yadda matasa za su gina makomarsu. Saboda gudummawar da yake bayarwa ga al’umma, ya samu lambobin yabo da karramawa daga kungiyoyi da mabiyansa saboda kokarinsa na wayar da kai da gyaran tarbiyyar matasa da ’yan mata. Babbar manufar Prince Kano ita ce ganin matasa sun fahimci darajarsu, sun nisanci laifuka da munanan dabi’u, sun tuba zuwa ga Allah, kuma sun gina rayuwarsu bisa ilimi, aiki tukuru da kyawawan halaye. Haka kuma yana da burin amfani da kafofin sadarwa wajen samar da canji mai kyau a cikin al’umma. Baya ga harkokin sadarwa da kirkirar bidiyoyi , Prince Kano yana da matukar sha’awar karatun Al-Qur’ani Mai Girma da kuma kallon fina-finai masu dauke da bincike, ilimantarwa da warware matsaloli. A yau, Salihu Bashir Musa (Prince Kano) na daga cikin matasan masu amfani da kafafen sadarwa wajen yada sakonnin alheri, tarbiyya da wayar da kai ga dubban mutane a Najeriya da ma kasashen duniya.